June 25, 2024

15 വയസ്സുകാരികളായ വിദ്യാർത്ഥിനികൾക്ക് ആശുപത്രി അധികൃതർ നൽകിയത് കോവിഷീൽഡ് വാക്സിൻ

Share Now

ആര്യനാട്: ടി.ടി ഇൻജക്ഷൻ എടുക്കാൻ എത്തിയ 15 വയസ്സുകാരികളായ വിദ്യാർത്ഥിനികൾക്ക് ആശുപത്രി അധികൃതർ നൽകിയത് കോവിഷീൽഡ് വാക്സിൻ. വ്യാഴാഴ്ച രാവിലെ ആര്യനാട് കമ്യൂണിറ്റി ഹെൽത്ത് സെന്ററിലാണ് സംഭവം‌.ഒരു കുട്ടിക്ക് രക്തഗ്രൂപ്പ് പരിശോധിക്കുന്നതിനായി കുളപ്പട സ്വദേശിനികളായ മൂന്ന് വിദ്യാർത്ഥിനികൾ ആശുപത്രിയിൽ എത്തി.ഈ സമയം ഒപ്പം ഉണ്ടായിരുന്ന 2 വിദ്യാർത്ഥിനികൾ 15 വയസ്സിലെ കുത്തിവയ്പ് എടുക്കണമെന്ന് പറഞ്ഞു. ഇതിനായി ഒപി ടിക്കറ്റ് എടുത്ത് പറഞ്ഞ സ്ഥലത്തേക്ക് എത്തിയപ്പോൾ ആണ് കുട്ടികൾക്ക് കോവിഡ് വാക്സിനേഷൻ നൽകിയത്. കോവിഡ് വാക്‌സിൻ എന്നറിയതെയാണ് കുട്ടികൾ ഇൻജക്ഷൻ കഴിഞ്ഞു മടങ്ങിയത്. ഇതിൽ കുത്തിവയ്പ് എടുക്കാത്ത ഒരു വിദ്യാർത്ഥിനി വീട്ടിൽ എത്തി കാര്യങ്ങൾ രക്ഷിതാക്കളോട് പറഞ്ഞു. രക്ഷിതാവ് പറഞ്ഞതനുസരിച്ച് 15 വയസ്സിലെ കുത്തിവയ്പ് എടുക്കാൻ വീണ്ടും ആശുപത്രിയിൽ എത്തി. ഈ വിവരം ആശുപത്രി ജീവനക്കാരോട് പറഞ്ഞപ്പോൾ ആണ് വിവരങ്ങൾ പുറത്തറിയുന്നത്. തുടർന്ന് കുട്ടികൾ ഉഴമലയ്ക്കൽ ആശുപത്രിയിൽ ചികിത്സ തേടി.കുത്തിവയ്പ്പ് മാറിയതോടെ രക്ഷിതാക്കൾ ആശുപത്രിക്കെതിരെ നടപടി എടുക്കണമെന്ന് ആവശ്യപ്പെട്ടു ആര്യനാട് പൊലീസിൽ പരാതി നൽകി. കോവി ഷീൽഡ് നൽകിയ സംഭവം പരിശോധിക്കണമെന്നും അനാസ്ഥക്ക് എതിരെ നടപടി സ്വീകരിക്കണമെന്നും രക്ഷിതാക്കൾ ആവശ്യപ്പെട്ടു.

ഇതേ കാര്യം ഉന്നയിച്ചു ബിജെപിയും ആശുപത്രിക്ക് മുന്നിൽ ധർണ്ണ നടത്തി.

അതേ സമയം കുട്ടികൾക്കുള്ള വാക്സിനേഷൻ എടുക്കുന്ന സ്ഥലം ആണെന്ന് കരുതി വിദ്യാർഥിനികൾ കോവിഡ് വാക്സിനേഷൻ നടക്കുന്ന സ്ഥലത്ത് എത്തി കുത്തിവയ്പ് എടുക്കുകയായിരുന്നെന്ന് ആര്യനാട് ആശുപത്രി മെഡിക്കൽ ഓഫിസർ പറയുന്നു.പ്രതിഷേധം ശക്തമായതോടെ കുട്ടികളെ നെടുമകാട്‌ ആശുപത്രിയിലേക്ക് മാറ്റി.

Leave a Reply

Your email address will not be published. Required fields are marked *

Previous post ക്വാറന്റൈന്‍ കൃത്യമായി പാലിക്കാന്‍ നിര്‍ദേശം: മന്ത്രി വീണാ ജോര്‍ജ്
Next post കോവി ഷീൽസ് ഇജക്ഷൻ എടുത്ത സംഭവത്തിൽ ബിജെപിപ്രതിഷേധം നടത്തി

This article is owned by the Rajas Talkies and copying without permission is prohibited.